કન્યા દાન

કન્યા દાન - ઝ્યોતીકા અશોક મહેતા, કલીકટ

     પતિ પરમેશ્વર - પત્ની અર્ધાંગીની - એક બીજા પ્રત્યે માન - સન્માન - આદર -  વિશ્વાસ - પ્યાર હોય , એક બીજા નાં દુઃખે દુઃખી સુખે સુખી, એક બીજાની ઈચ્છા - અનિચ્છા - પસંદ - નાપસંદ - મરજી - નામરજી, જરૂરિયાતોનું જતન કરે - સમજે - વિચારે - સાંભળે - અનુભવે - સપના સાકાર કરવાનો પ્રયત્ન કરે - એક બીજાની ભૂલો સુધારે, સમજાવે - સાથ - સહકાર - પ્રોત્સાહન - સાંત્વના આપે, એક બીજા પ્રત્યે સંવેદના હોય - ભાવના હોય - લાગણી હોય - રિસામણા - મનામણા હોય, આવા  સુખી - સમૃદ્ધ - દંપતી, તેમાં ભળે સંસ્કાર - સચાઈ - ધર્મ - અને ખાનદાની. કુદરતે રચેલી લીલાનો સમાગમ થતા જ ઉત્પન થાય તે દંપતીનું અણમોલ રત્ન જેવું સર્જન બાળક ... '' કન્યા રત્ન ''  ...

જગતનું મહા પવિત્ર દાન એટલે ''કન્યાદાન'' જેની તોલે કોઈ દાન આવી જ ના શકે, માતા - પિતાએ કેટલા અરમાનથી કન્યા રત્નને જન્મ આપ્યો, પાળી, પોષી, ભણાવી, ગણાવી, સારા સંસ્કારોનું સિંચન કર્યું, ધાર્મિક ભાવનાનું રોપણ કર્યું, પ્યારનો અથાગ સાગર ભર્યો, આવા અનમોલ રતનની કિંમત દુનિયાનો કોઈ પણ અમીરજાદો [ શહેજાદો ] આંકી જ ના શકે ... એવા એ જીગરના ટુકડા જેવી માસુમ કન્યાનું માતા - પિતા કેટલી બધી ખુશીથી, નિસ્વાર્થ ભાવે, કન્યાનું બાકી જીવન સુખ શાંતિ અને સમૃધીમાં વ્યતીત થાય, બંન્ને કુળ ઉજ્જવળ બનાવે તેવી પ્રાર્થના સાથે કન્યા દાન કરે છે ...

પોતાના પિયરને છોડી કન્યા પણ સહર્ષ સાસરી વાળાને અપનાવી લે છે, તમામ રીત - ભાત - ફરજ - સુખ - દુઃખ - પ્રેમથી સ્વીકારી લે છે, તેનો અમલ પણ હસતા મુખે ખુશી ખુશી  કરે છે, કોરા કાગળ જેવું કોરું - સુંદર - નિર્મલ - પ્રેમથી ભરપુર દિલ સાથે સોનેરી સપનાની  વણજાર લઇને આવે છે, એકજ આશામાં કે સહુને પ્યારથી પોતાનાં કરીશ, પરિવારમાં અમન ચમનનું વાતાવરણ બનાવીશ.

પ ... ણ ... તેને શું મળે છે ? સાસરીમાં કંકુ પગલાં પાડતાની સાથે જ નફરત, અપમાન, અન્યાય, વિશ્વાસઘાત, દહેજની માંગ ! ! ! આટલું સહન કર્યા પછી પણ ચૂપ રહે છે, પોતાનું કર્તવ્ય સારી રીતે નિભાવે છે, પ્રેમથી ભરપૂર હૃદય પર પડતા આર્થિક - માનસીક -  શારિરીક જુલ્મનાં લાગેલા ચાબખાને પણ છુપાવી દે છે, કોઈને દોષ નથી આપતી, ફરિયાદ નથી કરતી, આ માતા પિતા તરફથી મળેલા સારા સંસ્કાર જ તો છે.

માત્ર ને માત્ર પતિનાં પ્યારને આધારે આવેલી આ કન્યા રત્નનું સાસરીમાં કોણ? શું પતિની કોઈ ફરજ નહિ? સાસરી વાળા ક્યારેય સચ્ચાઈ જાણવાની કોશિશ નહીં કરે ? દરરોજનો આ જુલ્મ વહુ બનીને આવેલી આ કન્યા રત્નને ક્યાં લઇ જશે ? અંદાજો છે કોઈને ? આ ધગધગતા લાવા આગમાં કોણ બળશે ? ક્યાં પહોંચશે આ લાવા ? કોને કહે પોતાની મનોવેદના ? શું કરે ? ક્યાં જાય ? માન્યું કે નારી સહન શક્તિનો અખૂટ ભંડાર છે, પણ ક્યાં સુધી ? 

દુનિયા એકવીસમી સદીમાં પહોંચી ગઈ, પણ સાસુ પૂરાણ હજી આજે પણ હયાત છે, પતિને પોતાનો પરિવાર વહાલો છે તો પત્નીને નહિ ? પિયર પ્રત્યે કોઈ ફરજ નહિ ? 

અંતમાં એક જ વાત શું નારી જ નારીની દુશમન છે ? પણ નારી તો દેવીનું રૂપ છે ? તો શું કોઈ માતા પોતાનાં જ દિકરાની વૈવાહિક જિંદગી બરબાદ કરી શકે ? શું માં આવું કરી શકે ? હા કરે છે, આજ ની તારીખમાં પણ, પરંતુ તેવી માં એ નથી જાણતી કે જો વહુને પ્યાર આપશે તો મકાનમાંથી, ઘરમાંથી મંદિરમાંથી સ્વર્ગ બનાવી શકવાની તાકાત છે તો નફરત મળવાથી નર્ક પણ બનાવી શકે છે, આજે તો નારી પાસે સહન શક્તિનો ભંડારને સોફ્ટવેરની આવડત છે .

KUTCH GURJARI

T : + 91 9322 880 555
E : kutchgurjari@gmail.com

Latest Website Updates